Yarın büyük Qurban bayram künü, Qırım camilerinde bayram namazı saat 7.00 qılınacaq.
Bu haberni Avdetke, Qırım müftiyatından bildirdiler.
Aqmescitte bayram namazı, endi adet olğanı kibi, Kiyevskaya 115 adresinen yerleşken profsoyuzlar medeniyet sarayında keçirilrcek.
Hatırlatamız, yarın 1 sentyabr künü, bütün müsülman dünyası Mübarek Qurban bayramınıñ birinci kününi qayd etecek. Bayram sebebinden , resmiy olaraq, raatlıq künü dörtünci sentyabr ilân etildi.
Qurban bayram aqqında 10 meraqlı malümatnı bu yerde oquy bilesiñiz.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
