İçkide (Sovetskoye) yerleşken 3 sanlı, milliy mektepniñ araba qapısından tamğanı kesip taşladılar.
Bu haberni özüniñ Facebook sayifesinde jurnalist Mavile Aabkerimova bildirdi.
Onıñ sözlerine köre, rayon akimiyeti milliy timsalni alıp taşlanmasını emir etti.
«Tamğa, araba qapısınıñ üstünde oquv yılnıñ başına qadar turdı. Bügün ise, 1 sentȃbr künü talebeler, bayram lineykasına tamğası kesıp alınğan qapılardan kirip keldiler», — dep yazdı jurnalist.
Avdet haber etkenine köre, İçki (Sovetskoye) rayonındaki maarif işleri bölüginiñ başı, Valentina Akulenko, 1 sentȃbrge qadar, milliy mektepniñ araba qapısından tamğanı alıp taşlanmasına emir etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
