Qırımda dağda esli – başlı qadın coyıldı

02.09.201717:29

Qarasuvbazar (Belogorsk) rayonınıñ Ortalan (Zemlȃniçnoye) köyünde 85 yaşlı qartana coyıldı.

Bu haberni, soy – sopı ayttı, dep «Açıq yürekler» göñüllileri bildire.

Qartana bügün uyle üstü dağğa ketti, aylesi onı deral qıdırıp başladı, amma qaranıq tüşkenci tapalmadılar.

Esli – başlı qadın çoq bir şeyni unuta, ve özüni Tamara, dep adlandıra bile. Onıñ boyu yüksek degil, özü azğın, tayaçıqqa tayanıp yüre. Üstünde qara – mavı anteri, erılğan tüste koftası, başında yeşil yavluğı ve rezin papuçleri kiyilgen edi.

Göñülli Niyara Kurtveliyeve haber etkenine köre, şimdi qartana ğayıp olğan yerinde qıdıruv gruppası çalışa, amma olarnıñ köpekleri bile yoq.

«Bütün lȃqayt olmağanlarnı qıdıruvda iştirak etmelerine çağıramız! Köpekler olsa olarnı da bu qıdıruvlarğa celp etmek kerek! Bu mübarek künnde, bu ayleni yardımsız qaldırmayıq!», — dep celp etti göñülli.

Avdet haber etkeni kibi, bu yılnıñ baarinde Qarasuvbazar (Belogorsk) rayonınıñ Sartana (Alekseevka) köyünde, esli – başlı Mudessir İsaev ğayip olğan edi. On künden soñ ise, onıñ cesedi dağda tapıldı.

Hatırlatamız, 4 mart künü Ablȃkim adlı oğlançıq, büyükçe ballarnen dağğa aqbardaq ciymağa kete ve coyıla. Oğlançıqnıñ qıdıruvlarına em yerli köy sakinleri, em de yarımadadan bir qaç biñ göñüliller qoşulğan edi. Balaçıq dağda 17 saat keçirip, saba erte saat 5, evden bir qaç kilometr uzaqlığında tapıldı. Tapılğan soñ, Ablȃkim birinci olaraq, tatası qayda olğanını soradı. Oğlançıqnı «pek üşüdi» dep hastshanege qoyğan ediler. Qıdıruvda iştirak ekenler ise, özleri içün çoq bir şey tapqanlarını bildirdiler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

 

Фото аватара

Автор: Редакция Avdet

Редакция AVDET