Bağçasaray şeeriniñ bala bağçalarında qırımtatar gruppalarını qapattılar

05.09.201718:56

Bağçasaraynıñ bir qaç bala bağçasında qırımtatar gruppalarını qapattılar. Tasil tek rus tilinde berilecek.

Bu haberni özüniñ Facebook sayifesinde Edem Dudakov bildirdi.

«5 sanlı milliy mektepke talebelerni azırlağan, 8 ve 14 sanlı bala bağçalarında qırımtatar gruppalarını qapattılar. 2017 senesinden başlap, bu bala bağçalarında terbiye rus tilinde berile. Ve yañı alınacaq gruppalar, tek qarışıq olaraq tertip etilecektir. Mektepten aldın tasil bergen müessiselerniñ nizamnamelerinde, milliy gruppalar aqqında qaydeler yer almağandır. Bu vaziyet bütün Qırım boyu yüz berecektir», – dey Dudakov.

Avdet haber etkeni kibi, İçki (Sovetskoye) rayonınıñ 3 sanlı mektebiniñ araba qapısından, yerli maarif bölüginiñ başı emrine binayen, milliy tamğanı kesip alğandılar.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası