Qırım müftiyatı, Qırım sakinlerini, zulum altında qalğan Myanma müsülmanlarına maddiy yardım köstermelerine çağıra.
Qırım musulmanlarınıñ diniy idaresiniñ şurası (sovet), rohinca müsülmanlarına yardım etmek içün Bütün Qırım aktsiysını ilân ettiler.
Rohinca müsülmanlarına iyane etmege istegenler, öz bağışlarını Qırım müftiyatına, ya da yerli imamlarğa ketire bileler.
Toplanılğan maddiy yardım qaçaqlar lagerlerine tollanılacaqtır.
Avdet haber etkeni kibi, Qırım sakinleri, Myanmada olıp keçken vaqıyalarğa qarşı öz narazılıqlarını bildirip, Rusiye akimiyetine, çatışuv olğan yerge halqara gumanitar teşkilâtlarını kirmelerine yardım etmesine muracaat etecek olalar.
Sentâbr 3 künü, Çeçenistan başı Ramzan Kadırov, İnstagramda, Myanmada olıp keçken vaqiyalarnı genotsid, dep adlandırdı. Ve özüniñ noqta – i nazarını, Türkiye prezidenti Recep Erdoğannıñ noqta – i nazarına yaqın olğanını bildirdi. Çeçenistan başı, er kesni mitinglerge çıqmağa çağırdı.
Rusiye müftiler şurasınıñ başı Ravil Gaynutdin, 1 sentâbar künü, Bayram namazı vaqtında, Myanmada müsülmanlarını «zulumğa oğratılğanlarını» ve o adamlar içün dua etilmesi aqqında ayttı.
Rohinca – bu Myanmada kiçik bir etnik gruppadır. Bir millionğa yaqın Rohinca Bangladeş memleketinene olğan sıñırğa yaqın yaşaylar. Bu halqnıñ 90% müsülmandir. Birleşik Halqlar Teşkilâti haber etkenine köre, rohinca millet, dünyada eñ zulumğa oğratılğan halqlardan biridir. 2012 senesiniñ çatışmalarından soñha bu halqnıñ 120 biñden ziyadesi, öz vatanlarından ketmege mecbur oldılar. Olarğa vatandaşlıq bermeyler, tıbbıyet yardımıbda red eteler, memleket boyunca yürmeleri sıñırlı. Bu halq özü bildirgenine köre, olarnı müsülman olğanları içün zorbalıq çektüreler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
