Simeyizde Leninge abide açtılar

06.09.201712:21

Qırımnıñ Simeyiz qasabasında 5 sentâbar künü, Vladimir Leninge abide açıldı.

Bu haberni Qırım jurnalisti Sergey Sardıko bildirdi.

Onıñ aytqanlarına köre, 1993 senesine qadar bu yerde abide tura edi, amma soñra bu abideden tek postametı qalğan edi.

«Şeer bağçasında, «Kseniya» ve «Meçta» villaları yanında, komunistik fırqasınıñ teşebbüssi ile, Vladimir Leninge granitten yasatılğan abide qoyıldı», — dep ayttı Sergey Sardıko.

Onıñ bildirgenine köre, tedbir «tantanalı keçti»: orkestr çaldı ve sovet türküleri yanğıradı.

«Mektep talebelerini piyonerlikke qabul ettiler, olarda: « — K borbe za Rodinu, spravedlivost i çestnost bud gotov!» — şiarına «Vsegda gotov!», — dep tesirli cevap bergenlerini añlattı jurnalist, bunı «QırımAqiqat» bildire.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET