Aqmescitte arabalarnı daa sıqça tahliye etecekler

07.09.201722:56

Aqmescit (Simferopol) soqaqlarında er kün 50 – 60 arabanı tahliye eteler. Faal çalışqan tahliye maşnlarınıñ sayısında çoqlaştırdılar.

Bu haberni Şeer Naqliyet Servisiniñ yolbaşçısı Stanislav Gretskiy bildirdi.

Onıñ sözlerine köre, bu hızmet şimdi pek quvetli çalışa, çünki yaz tatilleri bitkeninen Qırım paytahtında arabalar sayısı çoqlaştı

«Bügünki künde şeerde altı tahliye arabası çalışa, yazda olarnıñ sayısı 4 – 5 dane edi», dep ayttı Gretskiy.

Evakuator arabaları, endiden soñ, tek merkezde degil de, bütün şeer boylap çalışacaq, Pobeda prospekti ve jeleznodorojny vokzal da istisna degil.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.