Qurucılar Ay – Petride, tepelikni güzelleştirme işlerine başladılar. İçtimayi ağlarda alıp barılğan işleriniñ fotoları peyda oldı.
Evelleri Sergey Aksönov bildirgeni kibi, bu yerde boş ve tegiz bir meydançıq olacaq, onıñ bir qısmı ise, qaldırım taşçıqlarınen qapatılacaq.
«Bu meydançıqta, başqa, bir türlü binalar olmaycaq. Platonı bütünley temizleycekmiz. Bu qoruqlıq yerleridir. Qurucılıq da mında olmaycaq», — dep bildirgen edi Aksönov.
Avdet haber etkeni kibi, Ay – Petriden öz isteginen ticaret yerlerini yoq etken iş adamları, Simeyizde etnik – köy qurmağa planlaştıralar.
Hatırlatamız, Qırım akimiyeti platoda bulunğan kafe, musafirhane ve başqa ticaret yerlerini «samostroy» kibi ilân etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız
