Özbek han cami
Sır degil, Qırımğa bir kere kelseñiz, bütün ömüriñizge güzel ve müsbet duyğular toplap qaldırırsıñız, icadiy insanlar ise, bu duyğularını daa öz eserlerinde de aks ettire bileler. Böyle adamlardan biri, bu nesili qırımtatarlardan olğan, Ali Ozan Oğurdır.
Özüniñ eserlerinde ressam, Qırımğa olğan baqışını aks ete. Tarihiy Vatannınen Ali Ozan, tek dört sene evelsi tanışqan edi, lâkin mında körgen manzaraları, eski soqaqları, camileri, onıñ yüreginde silinmez iz qaldırğandır. Özüniñ boş vaqıtını ressam, Qırım hanlığınıñ tarihini ogrenmege sarf ete. Onıñ içün, o eserlerinde Qırım hanlarınıñ portretlerini, tarihiy abidelerini, o vaqıtnıñ addiy halqını aks ettire.
Ali Ozan Oğurnıñ ata – dedeleri türkiy Bulğaristanğa ХХ asırnıñ başlarında icret etken ediler. Anda olar Eskişehirde yerleştiler. Ressam ise,1993 senesi Kocaeli şeerinde doğdı.
Bu şeerde de «grafik dizayini» zenaatınen universitet bitirdi.
Resim yapmaqnen Ali Ozan balalıqtan meraqlana edi. Mektepten soñ, tasviriy sanat litseyinde oqudı. Bugünki künde, o çeşit resim tehnikalarında çalışa: akvarel, guaş, qarandaş, kompyüter sanatı ve başqa.
Şimdi, Ali Ozan Ankaradaki dizayin studiyasında çalışa. Boş vaqıtlarında ayaqmaşnen kezmege seve ve matbaaçılıqnen meraqlana. Türkiyedeki qırımtatar diyasporasınıñ faal iştirakçisi de ola. Ressam bildirgenine köre, o yaqın vaqıtlarda ata – dedeleriniñ toprağına kelip ketmege istey.
Aq Qaya
Bağçasaray
Giray
Qaşqar
Tamğalar
Taraq-Tamğa
Yüzümcü Qurt-Asan
Ali Ozan Oğur
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.