Kefeniñ (Feodosiya) Primorskoye qasabasında, 72 dairelik evniñ temelini qoyma merasimi tantanalı şekilde olıp keçti.
«Pek beklenilgen evdir. Daa Ukraina vaqıtlarında, bu evniñ proyektini yapmağa ve qurıp başlamağa istegen ediler, amma er vaqıt para yetişmey edi. Lȃkin, endi, Rusiye devleti zamanında, leyhalar işlenilip bitirildi, deklaratsiylar alındı, yer tayinlendi ve qurucılıq – montaj işleri başlandı», — dep ayttı jurnalistlerge Kefe şeer şurasınıñ reyis muavini Pötr Poltavskiy.
Bu leyhağa, federal programmasından para ayırıla. Qurucılıq 2018 senesi bitirilmesi beklenile ve oña 132 mllion ruble sarf etilecek. Bu evde qırımtatarlar, nemseler ve bulğarlar yaşaycaq.
«Bu çoq milletli ev olacaq. Mında tek tatarlar degil de, urumlar, nemseler, bulğarlar da yaşaycaq. Daireler, Qırımnıñ Feodosiya, Lenino ve Kirovsk rayonlarından 72 qorantağa ayırılacaq », — dep ayttı şeer memüriyetiniñ muavini İgor Gonçarenko, dey «KafaNews».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.