Aqyarnıñ (Sevastopol) İnjenernaya buhtasında, suv üstünde mazut lekeleri peyda oldı.
Yerli sakinler, lekeni daa bazar künü sabası peyda olğanını aytalar. Yağlı leke o qadar sıq edi ki, ondan deñizniñ tübü bile körünmey edi.
Aqyarlı ekolog Natalya Milçakova, deñizge yarmay tükülgenini tasdıqladı ve etraftaki tabiyatqa olacaq zararı aqqında bildirdi.
«Bu, elbette, yarmay töküldi. Eger avası rüzgârsız olsa, demek deñizge bu balaban zarar ketirecek, çünki yarmay üstten, deñiz tübüne tüşecek. O zaman deñiz otları, malüsklar, qısqaçlar ole bile. Yel peyda olsa, bu leke açıq deñizge kete bile, o zaman kim böyle hıyanetlik yapqanını bilmeycekmiz ve umum olğan zarar daa artacaq», — dep añlattı Milçakova.
Qırım ve Aqyar boyunca etraftaki tabiyat qoruma idaresiniñ, reyis muavini Konstantin Somik, kelgen haberni teşkerip, kerek olsa zarur tedbirlerni keçirecegini ayttı, dep yaza «Forpost».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
