Qırımtatarı qarışıq küreş sanatında Avropa çempionı oldı

13.09.201711:39

Qırımlı Sıdıq Derman qarışıq küreş sanatı boyunca, 18 – 20 yaşlı yuniorlar arasında Avropa çempionlığını qazandı.

Bu genç Belarus ve Azerbaycan raqiplerinen çatışmalar keçirip, finalda İtaliya temsilcisini yeñdi. Neticede, Sıdıq, çempionlıq quşağını ve ğalebe kupunı aldı, ve yarışnıñ eñ güzel iştirakçisi, dep tanıldı.

20 yaşlı çempion,  Eşref Şemi – zade adına, 42 – nci mektepni bitirdi ve şimdi QFUnıñ qırımtatar ve şarqiy filologiya fakultetiniñ 3 kurs talebesi olmaqta.

Sportçı olaraq Sıdıq 225 küreş keçirip, 215 ğalebe qazandı. Sıdıq Bütün Rusiye yarışmalarınıñ prizöri, Ukrainanıñ eki qat, Qırımnıñ sekiz kere çempionı oldı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası