1 sentȃbr künü ğayip olğan, Qarasuvbazar (Belogorskoye) rayonınıñ Ortalan (Zemlȃniçnoye) köyüniñ sakinini ale daa tapmadılar.
«Açıq yürekler» komandasınıñ göñüllileri, esli – başlı qadınnı Qarasuvbazarda körgenleri aqqında malümat aldılar. Onıñ içün olar bu şeerde qıdıruv tedbirlerini keçirdiler, amma Avdetke, haber etkenlerine köre, neticeler yoq.
Göñülliler yalıñız yürgen bitaylarğa diqqatlıca olmamızğa çağıralar. Eger de, bu bitayğa oşağan birisini körgen dayin olsaq, onı bir yerge yibermeyip, bu nomera arqalı + 7 (978) 852-42-57 (Zera) telefon açmamıznı rica eteler. Bitayçıq er şeyni unuta bilmesi aqqında da aytalar.
Avdet haber etkeni kibi, 1 sentȃbr künü, Qarasuvbazar (Belogorskoye) rayonınıñ Ortalan (Zemlȃniçnoye) köyünde, 85 yaşlı bitay coyuldı. Esli – başlı qadın çoq bir şeyni unuta, ve özüni Tamara, dep adlandıra bile. Onıñ boyu yüksek degil, özü azğın, tayaçıqqa tayanıp yüre. Üstünde qara – mavı anteri, erılğan tüste koftası, başında yeşil yavluğı ve ayaqlarında rezin papuçleri kiyilgen edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
