Saba 15 sentâbr künü London metrosınıñ Parsons Green stantsiyasında patlav yüz berdi, dep haber ete dünya haber agentlikleri. Bir qaç insanda yanıq olğanı ve vagon içinde yanğın başlağanı aqqında da aytalar.
Parsons Green stantsiyası yerleşken metro liniyasında trenler areketleri toqtatılğanı aqqında Twitter Transport for London blogında haber ettiler.
«Biz bu vaqiyanı taqiqat etemiz», — dep bildirile haberde.
Adise yüz bergen yerde ekimler, yanğıncılar ve polis hadimleri çalışa. Patlav sebepleri aqqında bir şey aytılmay.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
