Aqmescit memüriyeti, marşrutkalarınıñ ne sebepten azlaşqanını açıqladılar

18.09.201711:15

Qırım paytahtınıñ akimiyeti, şeerde ketken sayın cemmat naqliyatı azlaşqanı sebebini añlattılar.

«Tamir işleri keçirilgeni içün, şeerniñ merkezinde, araba ve marşrutkalarnen qıyın vaziyet peyda oldı, olardan birisi da marşrutkalar yetişmemezligi. Reyslerniñ 20 daqqadan bir saatke qadar keç qaluvları ola», – deyler şeer memüriyetinde.

Amma insafsız aydaycılar da bar. Olar istegeni kibi reysten çıqa bileler ve böyleliknen naqliyat cedvelini bozalar.

«Şeer memüriyetinde, şimdi, belli emirler berile, eger alıp yürüciler bu buyruqlarğa qulaq asmasalar –  olarnen olğan añlaşmalar red olunacaq», – dep bildirdiler Aqmescit memüriyetinde.

Hatırlatamız, yañı oquv yılı başlağanınen şeer naqliyatı işleri ağırlaştı. Saba aqşam vaziyet fenalaşa, dep şikâyet ete yerli sakinler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.