Ukraina prezidenti P. Poroşenko, Nyü – Yörkta ukrain gromadası ve qırımtatarlarnıñ temsilcilerinen keçirgen körüşivinde, qırımtatar faali Ahtem Çiygoznıñ işi, — bu «onıñ prezident işi» olğanını qayd etti.
Onıñ aytqanlarına köre, Ukraina siyasiy mabüslerniñ qaytarılmaları içün kureşecek.
Poroşenko 18 – 22 sentâbr künleri Nyü – Yörkta bulunacaq ve Birleşik Milletler Teşkilâtınıñ 72-nci sessiyasında iştirak etecek. Onıñnen birlikte, anda qırımtatar halqınıñ işleri boyunca prezident vekili olğan Mustafa Cemilev bulunacaqtır.
Avdet haber etkeni kibi, Qırımnıñ Yuqarı mahkemesi, Ahtem Çiygoznı 26 fevral 2014 senesi, Qırım parlamenti yanında olıp keçken qarışıqlarda qabaatlap, 8 yıllıq apis cezası berdi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.