Aqmescitniñ (Simferopol) merkeziy bazarındaki toqtav yerini qayırdan açtılar.
Bu aqta, Aqmescit memüriyetiniñ naqliyat ve alâqa boyunca idaresiniñ başlığı Anastasiya Lavrınova ayttı.
«Toqtav yerini daa tünevin açtılar. Birisinde marşrutkalar toqtay, ekincisinde ise, trolleybuslar», — dep qayd etti memur.
Hatırlatamız, Merkeziy bazar etrafındaki meydanlıqta tamirat işleri keçirilgeni sebebinden, 10 iyünden başlap, mında, şeer naqliyatına toqtamağa yasaq edi.
Toqtama yeri 1 avgustqa açılacaq edi. Ondan evel, şeer akimiyeti, toqtav yerlerinde «aqıllı ostanovkalar qoyulacaq» degen edi, amma, endi öyle ostanovkalar, tek qışta peyda olacağını aytalar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
