Qırımda Bağçasaray şeerinde yerleşken Han – Caminiñ rekonstruktsiyası devam etmekte

20.09.201711:41

Bu işleriniñ birinci qısımı daa yañı yılğa qadar yekünlenmesi tahmin etile, ve 2018 senesiniñ başından müsülmanlar camide cuma namazlarını qılıp başlaycaqlar.

Devlet dumasınıñ deputatı Ruslan Balbek bildirgenine köre, mında birinciden qazağa qarşı işler keçirildi.

«İspaniyadan endi kiramet ketirildi, şimdi restavratsiya işleriniñ birinci qısmı başlaycaq ve yañı yılğa qadar caminiñ damı deñiştirilecektir», – dedi Ruslan Balbek.

Büyük Han Cami ibadetlerge açıq olğan camilerden biridir. Ondan da başqa, bu cami Han saraynıñ bir qısmı olaraq, tarihiy bir abidedir. Onıñ içün yıl – yıldan camini biñlernen adam ziyaret ete.

Restavratsiya işleriniñ ekinci qısmı olaraq, esas binanıñ temelini qaviyleştirme olacaqtır. Tek ondan soñ, işçiler içerideki tamirlerge başlaycaqlar, dep bildire «RİA-Krım».

Hatırlatamız, Han sarayda keçirilgen qazağa qarşı ve tamir – restavratsiya işleri federal «Qırım Cumhuriyeti ve Aqyarnıñ 2020 senesine qadar iqtisadiy – içtimayi inkişafı» leyhasına kirsetilgendir.

 Avdet haber etkenine köre, Qırım sakinleri endi çoqtan Han saraynıñ acınıqlı alı aqqında aytalar. Han sarayda işıq yoq, binalar sers ve qaranıq, damı suv keçire ve yıqıla. Bina endi çoqtan tamirge muhtac, bilet fiyatları ise, er yıl paalılaşa. Fotograf  İldar ibragimov, keçken seneniñ dekabr ayında, Qırım müftiyatına, muzey reberiyetine ve Cumhuriyet akimiyetine, Han saraynıñ vaziyetine qulaq asmaları aqqında muracaatlar yazğan edi.

İçtimaiy ağlarda FacebookVkontakteOdnoklassniki saifelerimizg, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.