Aqmescitte şeer şurasından ve daa üç dane ticariy merkezden adamlarnı tahliye ettiler

21.09.201712:28

Tünevin, 20 sentâbr künü, Qırım merkezinde sekiz binanağa «mina qoyılğanı» aqqında haber keldi. Neticede, Aqmescitniñ (Simferopol) şeer şurasından ve üç dane ticariy merkeziden insanlarnı tahliye etmege mecbur oldılar.

Binalarda bomba olğan haberni, telefon arqalı belgisiz insanlar haber etti. Bu haberler yalan olıp çıqtı, ne mina, ne de onıñ qalıplıq şekilleri tapılmadı.

Binalar minalanğanı aqqındaki haberler, çeşit ecnebiy telefon nomerlerinden keldi.

Bular, evelden yazıp alınğan haberler edi, aralarındaki farq tek mina qaldırğan yerlerinde deñişe edi, dep haber ete «Krıminform».

Hatırlatamız, Rusiyede telefon arqalı çeşit binalarğa minalar qoyulğanı aqqındaki haberler 12 sentâbr künü kelip başlandı. Episi olıp, belli olmağan şahıslardan 152 binada bomba bulunğanı aqqında 143 haber keldi.  Haberler yalan olıp çıqtı. Tünevin bombalar aqqındaki haberler Sankt – Peterburg, Saratov, Tula ve başqa şeerlerge de keldi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası