Deşetli araba çatışmasında vefat etken oğlanlarnıñ cenazelerine yüzlernen adam keldi

21.09.201721:01

Qırımda arba qazası neticesinde vefat etken 29 yaşlı Nazim Abibullayev, 22 yaşlı Ekrem İlyasov, 21 yaşlı Eskender Haybullayev ve 17 yaşlı Seytveli Suleymanovlarınıñ cenazeleri olıp keçti.

Cenaze 19 sentȃbr künü, Qarasuvbazar rayonınıñ Kokey (Rusakovka) köyünde olıp keçti. Bu köyde oğlanlanlarnıñ dörtüde yaşay edi. Cenazege yüzlernen insan cıyıldı.

18 sentȃbr künü dört genç Qarasuvbazardan Uskut köyüne, Eskender Haybullayevniñ doğğan kününi qayd etmege kete ediler. Bu künü Eskender 21 yaşını toldırdı, dep haber ete Crimeantatars.club.

Avdet haber etkeni kibi, 18 sentȃbr künü yengil arabanen KAMAZ maşınası yüzme – yüz çatıştılar, neticede üç adam elȃk oldı. Dörtünci yolcı, 17 yaşlı Seytveli hastahanede vefat etti.

GİBDDniñ matbuat hızmeti bildirgenine köre, VAZ-2107 arabasınıñ aydaycısı, Qarasuvbazardan Uskut köyüne ketken vaqıt, arabanı idare etip olamadı, qarşı yolğa çıqtı ve KAMAZnen yüzme – yüz uruldı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET