Prokurorlar İlmiy Umerov içün üç yıl şartlı olaraq isteyler

21.09.201713:31

20 sentâbrde prokuror İlmiy Umerov içün üç yıl ve 6 ay şartlı apis istey. Bu müddet içinde Umerovğa halq ögünde çıqışlar yapmağa ve ocalıq zenaatınen oğraşmağa mümkün degil.

Makeme ükümi, çarşenbe, 27 sentâbr künü Aqmescitniñ rayon mahkemesinde bildirilecek.

Mahkeme oturışı saat 11.00 başlaycaq, dep ayta «QırımAqıqat».

20 sentâbr künü, İ. Umerov munaqaşada iştirak etip, taqiqatçı İgor Skripka ve ekspert Olga İvanovağa qarşı cinaiy iş açılmasını talap etti.

İ. Umerov hatırlatqanına köre, şekleyciler mahkeme devamında, Umerovnıñ qırımtatar tilinde bergen intervyüsında, Rusiyeniñ territorial bütünligini bozmağa çağıruvı aqqında «şaat olaraq bir adamnı bile kösteramadılar», dedi.

Avdet haber etkeni kibi, 19 sentâbr künü Aqmescitniñ rayon mahkemesinde, qırımtatar tili mütehassısı оlğan Seytislâm Kişveyefni sorğuğa çektiler. Mütehassıs bildirgenine köre, yapılğan tercimelerde bir çoq hatalar bar, 17 daneden ziyade hata tapqanını bildirdi. Kişveyev dedi ki, Umerovnıñ sözlerini tercime neticesinde degil de, asıl tilde ekspertizasını yapmaq kerek edi.

Foto: QırımAqıqat

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.