Keriçte, Buvina soqağında yerleşken bir azbarda deşetli facia yüz berdi: Belli olmağanlar bir insannı üstüne yaqıcı tökip, tutaştırdılar.
Facianı körgenler, tez – tez areket ettiler ve yanında yerleşken tükândan suv ketirip, yanğan adamnı söndürdiler.
Vaqia yerine kelgen qurtarıcılar, polisni ve acele yardım arabasını çağırttılar. Birazdan belli olğanı kibi, yaqılğan adamnıñ evi yoq eken. Eki künden soñ, o hastahanede vefat etti.
«Narodnıye novosti» haber etkenine köre, öldürüv sebebi ile cinayi iş açıldı ve bu canavarlıqnı yapqanlar qıdırıla.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
