Birleşik Devletlerini telükesizlik Şurasınıñ daimiy vekillerine yasaqlav aqlarını sıñırlamaq içün, 100-den ziyade devlet qol tuttı.
Bu aqta, Lihtenşteyin çetel işleri naziri Aureliyü Frikniñ sözlerine binayen, RİA «Haberler» bildire.
Belli olğanı kibi, 2013 senesi, Birleşik Devletleriniñ telükesizlik Şurasınıñ yasaqlav aqlarını sıñırlamaq fikirinen, Frenkistan teşebbüs bildirgen edi. Esas sebep olaraq, insanlarğa ve adamlıqqa qarşı yapılğan cinayetler aqqında laf kete edi.
«O vaqıt er kes razı olğan edi. Bugunki künde, bu vesiqanı 114 devlet imzaladı», — dedi Frik.
Şimdi, telükesizlik Şurasında yasaqlama aqqı beş memlekette de bardır – Rusiye, AQŞ, Büyük Britaniya, Frenkistan ve Qıtay.
Bu yılnıñ aprel ayında, Büyük Britaniya temsilcisi, Rusiyeni, «aysaqlama aqqınen suistimal etkeninde» qabaatladı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
