Kurdistan ükümetiniñ vekilleri Bağdad şeerine muzakereler keçirmek içün yol aldılar

25.09.201711:35

Kurdistannıñ regional ükümetiniñ vekilleri, Bağdad şeerine, resmiy İraq akimiyetinen, Kurdistannıñ mustaqılligi aqqında keçirilrcek referendum meseleleri boyunca muzakere alıp barmaq içün yol aldı.

Bunı Reuters bildire.

«Vekiller referendum aqqında laqırdı eteceklerine baqmadan, referendum ille olacaq. Evelleri aytqanımız kibi, biz Bağdanen subetlerimizni, referendumdan evel, referendum vaqtında ve ondan soñ da keçirecekmiz», – dep ayttı, kurd lideriniñ mesleatçısı Hoşiyar Zebari.

İraqqa baqqan Kurdistannıñ mustaqılligi aqqında referendum 25 sentâbr künü keçirilmesi planlaştırıla. Evelleri, Kurdistan akimiyeti, kefalet berilse, referendumnı başqa vaqıtqa keçirmege vade etken edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası