Poroşenko, Birleşiken Devletleri Teşkilâtına, Ukrainada barıştırıcı ordularını yerleştirilmesi muracaatınen bulundı

25.09.201714:36

Birleşiken Devletlerniñ 72 – nci toplaşuv sessiyasında, Ukraina devletiniñ prezidenti P. Poroşenko, BD reyisi Antoniu Gutterişnen körüşti.

Ukrain prezidentiniñ matbuat hızmeti bildirgenine köre, 21 sentâbr künü, subetdeşler, Ukrainadaki vaziyetni çezmek içün Birleşiken Devletler Teşkilâtınıñ issesi büyük olmaq kerek.

Prezident aytqanına köre, barıştırıcılar, Ukraina yerlerine barışıq ketirecekler.

Ukrainağa barıştırıcı ordularını kirsetmek içün, Birleşiken Devletleriniñ Telükesizlik Şura azalarınıñ razılıqları kerek. Bu aqta 21 sentâbr künü, Fox Business kanalına bergen intervyusında, Poroşenko bildirdi.

«Bu mesele içün, bizge Telükesizlik Şurasınıñ daimiy beş azasınıñ, şu sırada Rysiyeni de, razılıqları kerek. Ve biz hatırlatamız, Rusiye Budapeşt vesiqası altına imza atqan edi. Bu vesiqağa binayen Ukraina, yader silâsı boyunca dünyada üçünci yerni alağan ükümet olaraq, bu silâdan red etken edi, Rusiye ise, öz sırasında Ukarainanıñ mustaqilligine ve territirial birdemligine kefil etken edi», — dedi P. Poroşenko.

Bunıñnen birlikte, resmiy Moskva, 22 sentâbr künü, bu mesele üstünde, öz fikirini bildirdi, ve dedi ki, şimdiki vaqıtta, Ukraina yerlerinde, barıştırıcı ordularını yerleştirme lafı yoq, bu «Minsk añlaşmalarında yazılğandır».

«Rusiye teklifleriniñ maiyeti, barıştırıcı orduları, OBSY vekilleriniñ havfsızlıqlarını saqlamaq kerek olacaqlarındadır», — dedi Dmitriy Peskov.

O qayd ettkenine köre, söz tek OBSY vekilleri ve olarnıñ yerleşken yerleri aqqında kete.

Rusiye siyasetşınası Andrey Okara, bildirgenine köre, bu mesele üstünde er bir meraqlanğan taraf razılaşma tapmaq kerek.

«Bu problemalar üstünde «ya o, ya bu» degen neticeler qabul etilmez. Men meselâ, yaqın vaqıtta bir añlaşmağa kele bilineceginen içte inanmayım. Ve, şimdi, müim meselelerden biri, bu Kiyevde, ya da Moskvada aytılğan problemalar degil de, bu çatışuv sayesinde Rusiyeniñ iştiragi ve tutqan yerini anıqlamaqtır», — dey Andrey Okara, «Golos Ameriki»niñ Rusiye hızmeti muhbirine.

Cemiyetke belli siyaset İnstitutınıñ reyisi, Sergey Bıkov aytqanına köre,  barıştırıcı ordularını Ukraina yerlerine kirsetme meselesini er taraflama muzakere etmek kerektir, elbette, Rusiyeniñ iştiragi ile. Amma Sergey Bıkovnıñ fikirine köre, Rusiye Ukrainanıñ böyle isteklerine qol tumaz, Kiyevge bir de bir kerileme yapmaq kerek olacaq.

«Rusiyeni añlamağa mümkün: razılaşmanen eki tarafta memnün olmay. Bir taraftan Rusiye öz isteklerini yerine ketirmege isteycek, başqa taraftan Ukraina, öz arzularını ögge qoyacaq. Eki tarafnıñ istekleri de yerine ketirilmez bir şey sayıla, olarğa añlaşma tizmek kerek olacaq», — dep qayd etti Bıkov.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

 

 

Фото аватара

Автор: Редакция Avdet

Редакция AVDET