Qırımtatar teşebbüsçileri Gurzuf aqqında kitap bastırmağa isteyler

25.09.201716:01

«Gurzuf» adlı teşebbüsçiler gruppası, Gurzuf ve onıñ sakinleri aqqında malümat toplaylar.

Teşebbüsçileriniñ aytqanlarına köre, olar olğan şey kibi, qayd ete bilecek malümat qıdıralar. Toplanğan malümatlar kitap şeklinde derc etilecek.

Lâqayid qalmağan insanlar, öz malümatlarını gurzuf2017@mail.ru elektron adresine yollay bileler.

Gurzuf ve onıñ sakinleriniñ tarihleri, ayatları aqqında malümatlar.

  1. Gurzufnıñ belli insanları ve olarnıñ nesili.
  2. Er bir ayleniñ tarihi, dedeleri, qartbabaları, soyadları, lağapları, sülâleleri, fotoları.
  3. Zenaat ve ünerler. Ustahaneler (belli ustalarınıñ adları).
  4. Mimarcılıq ve evler qurma usulları (ev çeşitleri ve qurucılıq malzemeleri).
  5. Şive nümüneleri.
  6. Gurzuf halq ağız yaratıcılığı.
  7. Gurzufnıñ eski ve unikal fotoları.
  8. Azizler aqqında malümatlar.
  9. Hatıralar: 1). 1920 – 1941ss. (repressiyalar, açlıq); 2). 1941 – 1944 ss. (Gurzuflılarnı Ekinci ciyan cenkinde iştirak etmeleri); 3). 1944 s. – sürgünlik; 4). 1944 – 1956 ss. Sürgünlikte ilk yılları; 5). Avdet.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.