Birleşken Devletler Teşkilâtı Rusiyeden, Qırımnı Ukraina qanunları boyunca yaşamasını talap ete

26.09.201713:46

İnsan aqları boyunca BDTniñ Yuqarı kommisarı, Rusiyege, Qırımda Ukrain qanunlarını qullanmağa tefsiye etti.

48 saifelik maruzada Rusiye Federatsiyasına «zapt etici devletniñ qaydelerini yerine ketirmege» ve «Qırımda, BDTniñ 68/282 ve 71/205 sanlı rezolütsiyasına binayen, Ukrain qanunlarını qullanmağa» tefsiye etti. Ondan da başqa İnsan aqları boyunca BDTniñ Yuqarı kommisarı, Rusiyege, «ekstremizm, terrorizm ve separatizm boyunca işerini toqtatmasına» ve «insan aqları boyunca halqara teşkilâtlarınıñ mütehassıslarını maniyasız Qırımğa kirmesine», «halqnı (qırımtatarlarnı) temsil eteici teşkilâtlarından, bu sırada meclisten de (Rusiyede yasaqlanğan teşkilât) yasaqlarını almasını» talap etti.

Maruza müellifleri aytqanlarına köre, olar insan aqlarını bozuv, meselâ, apiske aluvlar, adamlarnı ğayip olmaları, canavarca davranışlar ve mahkemeden evel idam etmeler (belli olğan vaqıyalardan bir adise) kibi qanun bozuvlar resmiy şekilde vesiqalanğandır.

Maruza müellifleri, Ukraina devletine de muracaat ettiler. Meselâ, blokada neticesinde insan aqları bozulğanını ogrenmege, yarımada sakinlerini vesiqa, tasil alma vaziyetlerini yengilleştirilmesine celp etti.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция Avdet

Avdet gazetası