Polisler tarafından evinde tintüv keçirilgen Renat Paralamov yarımadanı terk etti.
Bu aqta, 26 sentâbr künü, Facebookta, Yuqarı Radanıñ vitse – spikeri İrina Geraşenko yazdı.
«Ukraina prezidentiniñ emirine binayen ve sayğılı Refat Çubarovnıñ teşebbüsi ile, şimdi Renat Paralamov hastahanede tibbiy teşkerüvler ve reabilitatsiya keçe…», — dep yazdı Geraşenko.
Hatırlatamız, 13 sentâbr künü, Seyitler (Nijnegorskoye) qasabasında Renat Paralamovnıñ evinde, tintüv keçirildi. Polisler bu tintüvni «teşkerüv ve taqiqat işleri», dep adlandırdılar. Advokat tahmin etkenine kore, tintüv, Paralamovnıñ diniy faaliginen bağlı ola bile. Körgenlerniñ aytqanlarına binayen, betleri maskada ve özleri arbiy urbada olğan adamlar Paralamovnı belli olmağan yerge alıp kettiler. 14 sentâbr künü, o solarına telefon açtı. Onı Aqmescitniñ avtovokzalında taptılar. Paralamovnıñ aytqanlarına köre, onı «çekişterdiler, başına çuval taqtılar ve açıq toq tellerinen elektrik ağını tiydirdiler».
Foto: QırımAqiqat
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
