Qanunsız çalışqan taşıycılardan arabalarını musadere etmek, qattı amma kerekli bir tedbir olacaq.
Bu fikirni Sergey Aksönov öz Facebook saifesinde bildirdi.
O qayd etti ki, Qırımnıñ balaban şeerlerinde, eñ büyük problemelerından biri, bu arabalar tıqanıqları. Bu meseleni çezmek içün, Aqmescitte mahsus dispetçer noqtasını açmağa teklif ettiler.
Aksönovnıñ qayd etkenine köre, taşıycılarğa radikal tedbirler keçirmek kerek. Olarnıñ bazıları añlaşmalarnı yerine ketirmeyler, meselâ, aqşamları çalışmağa istemeyler, ya da imtiyazları olğan insanlarnı alıp ketmege istemeyler. Ondan da başqa, şeerniñ er bir tarafına marşrutkalar barmaq kerek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
