Qırımda qırımtatar tilinde yazılğan esse içün 30 biñruble vade eteler

29.09.201712:07

«Zekkiye» adlı hayriye fondu ve «Yañı dünya» gazetası, Fazıl Ametovnıñ 100 yıllığına bağışlanğan, edebiy konkurs ilân etti. Konkursnıñ mevzusı da bu insanğa bağışlanğandır.

Hatırlatamız, Fazıl Ametov qırımtatar milliy areketiniñ faal iştirakçisi edi. O 1917 senesi Kerçniñ Aqtaş köyünde dünyağa keldi. Babası imam edi.

Konkursta iştirak etmek içün, qırımtatar, ya da rus tilinde 5 biñ işaretke qadar yazılğan eserler qabul oluncaq.

III yerni alğanlarğa, teşkilâtçılar 10 biñ ruble berecekleri, II yer içün 20 biñ, I yer saibine ise, 30 biñ ruble berilecek.

Eserler yılnıñ soñuna qadar, dunya04@mail.ru electron adresi boyunca qabul olunacaqtır.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası