Qırımtatarlarnıñ evlerinde nevbetteki tintüvler keçti

02.10.201722:40

Bugün, 2 oktâbr künü, saba, polisler eki qırımtatarnıñ evinde tintüvler keçirdi. Bu Aqmescit (Simferopol) rayonındaki Molodöjnoye qasabasında Renat Suleymanovnıñ evi ve Qarasuvbazar  (Belogorskoye) rayonınıñ Terekli – Şeyh – Eli (Melniçnoye) köyünde Talât Abdurahmanovnıñ evidir.

Bu aqta Facebookta advokat Edem semedlâyev bildire.

Advokat aytqanına köre, şimdiki vaqıtta Suleymanovnı belgisiz tarafqa, belgisiz nomeralı arabada alıp kettiler.

Ondan da başqa, advokat, Qırımda daa eki qırımlı yaqalanğanı aqqında ayta, bu Arsen Kubedinov ve Seyran Mustafayevlardır.

«Maña belli olğanı kibi, bugün saba saat 6, 64 yaşlı Talât Abdurahmanovnıñ evine betleri qara balaklavalarnen qapalı adamlar kirip keldi. Olar çoq edi. Ev saibini yanlarına, er alda Aqmescitke alıp kettiler. O dinini kütken müsülmanlardan. Şimdi anda ketem», – dep haber etti, uquqqoruycı Abdureşit Cepparov.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.