Aqmescitniñ merkeziy rayon mahkemesi, 3 oktȃbr künü, «26 fevral işi» boyunca şeklengen Ali Asanov ve Mustafa Degirmencige apis müddetini 2017 senesiniñ 7 dekabrine qadar uzattı.
Advokatlar ve şeklengenler, deliller ketirip, aylelerini baqmaq, işke kirmek ve kerek olsa hastahanelerge barmaq içün, serbest şekilde yürmege izin istediler, mahkeme ise, şeklengenler (Ali Asanov ve Mustafa Degirmenci) vaqtında mahkeme oturışlarına kelmezler dep, olarnıñ bu isteklerini red etti.
Nevbetteki mahkeme oturışı 5 oktȃbrge tayinlengen, dep haber ete «QırımАqıqat».
Hatırlatamız, ev apisinde, Ali Asanov ve Mustafa Degirmenci 6 aprel kününden berli bulunalar. Ondan evel, olar Aqmescit SİZOsında buluna ediler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.