Avropa parlamenti Rusiyeden qırımtatar siyasiy mabislarnı azat etilmesini talap ete – rezolütsiya

06.10.201713:36

Cumaaqşamı, 5 oktâbr künü, Avropa parlamenti, qırımtatar faalleri Ahtem Çiygoz, İlmiy Umerov ve jurnalist Nikolay Semena üstünde keçirilgen mahkemeler boyunca rezolütsiya qabul etti.

Rezolütsiyada daa 44 insannıñ adları sıralana. Olarnıñ içinde ukrain rejissöri Oleg Sentsov da bar, dep haber ete «Ukrinform».

Vesiqağa mebüslarnıñ çoqluğı qol tuttı.

Bu rezolütsiyanıñ müellifleri olaraq, beş siyasiy fırqanıñ mebüsları çıqqandır, olar Avropa parlamentinde liberal – demokratik çoqluğını teşkil eteler. Bu Avropa halq fırqası, Avropağa qol tutqan liberal ve demokratlar Alyansı, sotsialist ve demokratlarnıñ İleri alyansı, Avropa konservatorları ve reformistleri fırqası ve «Yeşiller».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası