5 oktâbr künü Aqmescitniñ rayon mahkemesi, «26 fevral işi» boyunca üç insannı sorğuğa çekti bu: Mustafa Degirmenciniñ babasını – Bekir ağanı, tatası Mavileni ve yaqın tanışları Kâzim Ametovnı.
Advokatlarnıñ aytqanlarına köre, episi şaatlar, Mustafa Degirmencini «mitingniñ esas qısmında iştirak etmegenini» aytalar.
«Birinci eki şaat – Degirmenciniñ soyları, aytqanlarına köre, Mustafa 26fevral 2014 senesi, sat 12 babasını adamlar içinden çıqardı, çünki babası yaramadı. Ondan soñ ise, olar tatası Mavilege kettiler ve mitingke başqa qaytıp kelmediler. Üçünci şaat ise, Mustafanı mitingde körmegenini ayttı», — dey advokat Ayder Azamatov.
Mavile ise, babası ve qardaşı mitingten ketken soñ onıñ evinde bulunğanlarını ayttı.
«Men 26 fevral künü mitingten olğan kösterişni baqa edim ve anda babam yaramağanını ve qardaşım, onı adamlar içinden alıp çıqqanını kördim. Onda soñ olar maña keldiler ve mende oturdılar. Bu meni qardaşım kütleviy qarışmalarda iştirak etmegenine balaban bir delildir», dep ayttı Mavile.
Ondan da başqa Aleksandr Solodkov mahkemege bergen videonı, bu işke qoşmağa razılıq berdi. Bu videoda Mustafa babasını adamlar içinden alıp çıqqanı körüne, dep haber ete «QırımAqiqat».
Olıp keçken, bir de bir mahkeme oturışlarında, prokurornıñ talabı ile, qabaatlav neticesiniñ bir qısmını deñiştirildi. Başta aytılğanına köre, Mustafa Degirmenci ve Ali Asanov, Ahtem Çiygoznıñ cinayi talaplarını yerine ketire ediler, dep aytılğan edi, amma şimdi Meclis (RF, 29.04.2016 senesi yasaqlanğan teşkilâtbaşlarınıñ talaplarını yerine ketirdiler, dep aytalar.
Onıñ içün, qorçalaycı taraf, prokurorğa ukrainadan Meclis aqqında 2014 senesiniñ fevral ayında olğan statusını anıqlamağa ayttı. Mahkeme ise, red etti.
Ali Asanovnıñ advokatı, Edem Semedlyayev aytqanına köre, mahkemedeki, nevbetteki toplaşuvda daa bir qaç insannı soğuğa çekecekler.
«Şimdi advokatlar öz isbatlarını azırlaylar, bizde de öz şaatlarımız olacaq, belki de bu sabıq meclis azaları da ola bilir, ondan da başqa bir sıra hodataystvalar azırlaymız», dep bildirdi advokat.
Nevbetteki mahkeme oturışı 18 oktâbrge tayinlengen.
Hatırlatamız, Amescitniñ merkeziy rayon mahkemesi, 3 oktâbr künü, «26 fevral işi» boyunca qabaatlanğan Ali Asanov ve Mustafa Degirmencige ev apis müddetini 7 dekâbrge qadar uzattı. Olar ev apisinde 6 aprel küninden berli bulunalar, ondan evel Ali Asanov ve Mustafa Degirmenci Aqmescit apisinde otura ediler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız
