Qırımda 9 oktâbr künü ava bozulması beklenile: kok güdürdemesi, sağanaq yağması ve saniyede 20 – 25 metr tezliginde esecek yel tahmin etile.
Bu haberni Rusiyeniñ Qırım boyunca çalışqan fevqulâde nazirligi bildirdi.
«Cenübiy tsiklon kelgeni sebebinden, 8 oktâbr kündüz ve 9 oktâbr kün boyu. Qırımda ava bozğunlığı beklenile; şiddetli sağanaqlar, boranlı yağmur; cenübiy – ğarbiy yel, şimaliy — ğarbiy ruzgârğa çevirilecek ve saniyede 20 – 25 metr tezliginde esecegi beklenile», dep haber ettiler müessisede.
Matbuat hızmetiniñ bildirgenine köre, 9 oktâbr künü, ava arareti 8 – 10 derecege tüşecek.
Aqmescitte ava arareti
9 oktâbr künü: ava bulutlı. Gece ve saba boranlı sağanaq; kündüz yağmur yağacaq. Cenübiy – ğarbiy yel, ğarbiyge çevirilip saniyede 10 – 15 metr tezliginde esecek, saba ve kündüz 20 metr tezligine şiddetleşecek. Ava arareti gece +9 +11, kündüz +13 +15 derece olacaqtır.
10 oktâbr: ava bulutlı olacaq. Gece ve saba boranlı sağanaq; kündüz sağanaqlar beklenilmey. Şimaliy – şarqiy yel saniyede 7 – 12 metr tezliginde esecek. Ava arareti gece +8 +10, kündüz +14 +16 derece olacaqtır.
11 oktâbr: ava bulutlı olacaq. Yağanaqlar beklenilmey. Cenübiy – ğarbiy yel saniyede 7 – 12 metr tezliginde esecek. Ava arareti gece +6 +8, kündüz +15 +17 derece olacaqtır.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.