Aqmescit memüriyetiniñ yañı saylanğan başı İgor Lukaşev, Qırım paytahtını nümüneviy şeer etmege niyetlene.
Bu aqta o, Qırım Devlet Şurasınıñ toplaşuvında bildirdi.
Lukaşev Cumhuriyet reberlerine ve mebüslerine qol tutqanları içün teşekkürler bildirdi ve Aqmescitni kerçek paytaht etecegini bildirdi.
O, Qırım mebüslarına, şeerde olğan problemalarını çezmege yardım etmelerini rica etti.
«Mında er kes Aqmescitte yaşay ve şeerde olğan çöplük, ya da yol problemelarını yahşı bile. Biz bütün olğan meselelerge kompleks şeklinde yanaşacaqmız. Menim telefonım, er daim, gece, kündüz çalışa», — dedi Lukaşev.
Hatırlatamız, 22 sentâbr künü, Aqmescit deputatları, İgor Lukaşevnı şeer memüriyetiniñ başı olaraq sayladılar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
