Qırım ve Aqyar boyunca çalışqan FSBniñ matbuat hızmeti, bugün Bağçasarayda qırımtatarlarnıñ evinde olıp keçken tintüvler aqqında kommentariy berdi.
Mahsus hızmetniñ bergen haberine köre, yaqalanğanlar Rusiyede yasaqlanğan «Hizb-ut-Tahrir al — İslâmi» halqara terroristik teşkilâtnıñ iştirakçileri olğanlarında şekleneler.
«Gruppirovkanıñ altı azasına FSBniñ Taqiqat bölügi, 205.5 maddeniñ 1-2 qısımları boyunca (Terroristik teşkilâtnı meydanğa ketirüv ve onıñ faaliyetinde iştirak etüv) cinayi iş açtı». Hatırlatamız, 11 oktâbr sabası, Bağçasarayda, Suleyman Asanov «Salaçıq» kafesiniñ saibinde, Seyran Saliyevniñ, Timur İbragimov ve Server Zekiryayevniñ evlerinde tintüvler olıp keçti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.