Volkswagen, Qırımda özüniñ ağır yük maşnalarını, 10 ve ondan artqaç yolcu taşığan ve mahsus taşuvlarğa qullanılğan arabalarını Qırımda satmağa yasaq etti.
«Vedomosti» bildirgenine köre, araba istisalcısı, dilerlerge mektüp yollap, şirketniñ arabalarını ve tamir aletlerini Qırımda, ne doğrudan – doğru, ne birisi arqalı satmağa olmay. Bu yasaq er tür şirketler içün tarqala. Yasaqnı bozğanlarğa ise, «ciddiy neticeler» olacağı aqqında ayta.
Alman şirketiniñ temsilcisi bildirgenine köre, 2014 senesinden berli Rusiyege qarşı sanktsiyalar çalışa, onıñ içün Volkswagen, Audi ve Şkoda arabalarınıñ ticariy çeşitlerini Qırımda satmağa olmay.
Ekspertler aytqanlarına köre, Qırımğa bu arabalarınıñ tamir aletlerini kirsetmege mümkün, amma olarnı Rusiyeniñ başqa regionında vesiqalandırmaq kerek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
