Bağçasaraydaki mahkeme, tünevin 11 oktâbr künü, tintüvler devamında yaqalanğan faallerni, 10 biñden 20 biñge qadar para cezalarına oğrattı.
Ondan evel Qırım adliyecisi Lilâ Gemeci, yaqalanğanlarınıñ doquzına da, birden kütleviy şekilde, çoq adamlar toplanğan yerde içtimayi nizamnı bozğanlarında qabaatlav çıqaralar, dedi.
Avdet haber etkeni kibi, saba 11 oktȃbr künü Bağçasarayda, «Salaçıq» kafesiniñ saibi Suleyman Asanovnıñ, bir qaç kereler endi qanunsız mitingler teşkil etkeninde şeklengen Seyran Saliyevniñ, Timur İbragimovnıñ ve Server Zekiryayevniñ evlerinde tintüvler olıp keçken edi.
Qırım ve Aqyar boyunca çalışqan Rusiye FSBsında, yaqalanğanlar, Rusiyede yasaqlanğan «Hizb-ut-Tahrir al — İslâmi» halqara terroristik teşkilâtnıñ iştirakçileri olğanlarında qabaatlanalar.
Hatırlatamız, Qırımda «Krımskaya solidarnost» birleşmesi, «Qırım marafonı» degen aktsiya ilân etti ve para cezasına oğratılğan faallerge qol tutmaq içün, 10 ruble miqdarında kapiklerni toplap, kâğıt ahçağa deñiştirmeyip, cezalarını ödenmesini başlattılar. Böyleliknen «pervasız qalmağanlarınıñ birligi»ni köstereler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
