Soñki eki kün içinde, içtimayi ağlarda, bir bitayçıqqa, soy – sopını tapmağa yardım etmek kerek, degen malümatlar peyda olıp başladı.
Bitayçıq hastahanege tüşken, amma özüniñ yaşağan adresini hatırlap olamay eken. Qırımdan olğan içtimayi ağlarnıñ qullanıcıları, qartana 7 şeer hastahanesinden olğanını yaza ediler. Ondan da başqa, bu qartana keçenlerde Qarasuvbazarnıñ Ortalan (Zemlâniçnoye) köyünden coyılğan bitayçıq degen tahminlerde peyda olıp başladı. Hastahanede bulunğan bitanıñ üstünde de, erılğan renkte kofta ve yeşil yavluq bar eken.
Amma, çoqqa barmadan, tapılğan qartana Qırımdaki hastahaneden degil de, Qazanda yerleşken hastahaneden eken. Qartana aytqan adı ve soyadı boyunca, hastahanede çalışqanlar, onı qayda yaşağanını tapıp evine qaytardılar.
Qırımda coyılğan qartana ise, soy – soplarınıñ yatqanlarına köre, alâ daa tapılmağan eken.
Avdet haber etkenine köre, 1 sentâbr künü, Qarasuvbazar rayonınıñ Ortalan köyünde 85 yaşlı qartana coyılğan edi. Qartana bazı zamanları haturasını coya ve özüni Tamara, dep adlandıra bile. O alçaq böylü, azğın, tayaçıqnen yüre. Üstünde erılğan renkte kofta, yeşil yavluq, qara sızıqları olğan mavı anteri ve ayaqlarında rezin papuçları kiyilgen eken.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
