Yol polis hızmetine vesiqalarnı er yerde ve er kezde teşkermege ruhset ettiler

13.10.201712:36

Arabalarnı statsionar postlardan başqa yerde toqtatılması aqqında, yol polis hadimleri içün, memüriy reglament işke tüşürildi.

Teftişçiler, kenede arabalarını ve mototsıkıllarnı er yerde toqtatma aqlarını aldılar. Bu qanun İçki işler Nazirligi tarafından derc etilgendir. «Kommersant» bildirgenine köre, bu reglamentte bir qaç dane, aydaycılarğa ileride fayda ketire bilecek qısımlar peyda olğan.

Bu reglamentnen bağlı qanun, 664 sanı altında uquqıy haber portalında neşir etilgendir. Bu qanun 2017 senesiniñ 20 oktâbrden çalışıp başlaycaq.

Qabul etilgen vesiqa polis hadimlerine bir quraldır. Kirsetilgen deñişmeleriniñ bir qısmı tehnik harakterini taşıydır. Meselâ, evelleri, aydaycıdan onıñ vesiqalarını ve arabasından nomerini çıqara bile ediler, şimdi ise, bu şey yasaq. Ya da OSAGO sigortasınıñ asıl nushasını degil de, yapılğan kopiyasını da köstermege mümkün.

Kirsetilgen yañılıqlardan daa birisi, bu teftişçige vesiqalarını bergen vaqıtta, polarnı açıq ve bir şeysiz bermek kerek. Polis hadimleri ise, aydaycığa yaramay söz, siyasiy, diniy aqaretler aytmağa aqları yoq. Daa sigara içmek te yasaqlana edi, amma vesiqanıñ soñki nushasında bu qısımnı alıp taşlağanlar. Sarhoşluqqa teşkerme meselesi de yazılğan, eger aydaycıda sarhoşluq tapılmağan olsa, onı arabasınıñ yanına alıp ketmeleri kerekler.

Yatırlatamız, Aqmescit yollarında közetüv kameraları çoqlaştı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

Author: Редакция Avdet

Avdet gazetası