Bügün 14 sentȃbr künü, Qırımnıñ bir qaç regionında, qırımtatarlarnıñ kütleviy yaqalanğanlarına qarşı öz başına piketler olıp keçti.
Böyleliknen, tedbirler Sudaqta, Canköyde, Qarasuvbazarda (Belogorsk), Kefede (Feodosiya), Aluştada ve Aqmescitte keçirildi.
Piketke çıqqanlar «Qırımtatarlar terorist degil», «Ballarğa babalarını qaytarıñ», «Qırımtatarlarğa qarşı repressiyalarnı toqtatıñ», degen lozunglar qulandılar.
Kefede beş faal yaqalanğanını, Aqmescitte ise, bir adam yaqalanğanları aqqında aytalar.
Tahminlerge köre, polisler «Qırım müsülmanları – sizniñ qomşularıñız, olar terrorist degil», degen plakatnen turğan Memet Lümanovnı yaqaladılar.
Avdet haber etkeni kibi, 11 oktȃbr künü tintüvler keçirilgen soñ Bağçasarayda bir çoq qırımtatarı yaqalanğan edi.
10 biñden 20 biñ rublege qadar para cezasına, o künü yaqalanğan doquz faal oğratıldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.