Camala, insanlarnı satılmasına qarşılıq köstergen eyi niyet Elçisi oldı. O, migratsiya boyunca Halqara teşkilȃtınıñ çoq yıllıq işine qol tutıp, olarnıñ içtimayi reklemasında çıqtı.
Bu aqta migratsiya boyunca Halqara teşkilȃtınıñ Ukrainadaki Temsilciligi haber ete.
«Ukraina telekanallarında bu reklama 18 oktȃbr künü peyda olacaq. Bu künü Avropada insan ticaretine qarşılıq köstergen kün, dep esapşana. Kanallarda bu reklamadan başqa, «Telüke birden körünmey», degen halqara haberler kompaniyası keçirilecek», — dep haber etile.
Camala qayd etkeni kibi, Ukrainada bir çoq adamlar pek fuqare yaşay, onıñ içün olar qayda olsun, ne şaraitte olsun çalışmağa raılar. Aynı böyle insanlar kölelikke tüşeler. «Ukrinform» bildirgenne köre, er yıl böyle insanlar sayısı arta.
«Bu kompaniya olğan problemanı, elbetteki, çezmez, amma, belkide, Kütleviy haber vastalarını, memurlarnı ve cemaatçılıqnı diqqatını çeker. Eñ esas maqsad – ukrainlilerni haberdar etmektir», — dey yırcı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
