İraq elçisi, Qırımda keçirilgen referendumnı «Rusiyeniñ içki işi», dep adlandırdı

15.10.201712:01

Rusiyede İraq elçisi Haydar Mansur Hadi, Qırım qoşulması boyunca keçirilgen referendumnı, Rusiyeniñ içki işi, dep esaplay.

Bu aqta, o, Moskvada keçirilgen press – konferentsiya devamında, Federal haberler agentliginiñ mühbiri, Qırımda olıp keçken referendumğa resmiy Bağdadnıñ yanaşması aqqında bergen sualine cevaplandı.

«Biz Rusiye ile munasebetlerimizni ürmet etemiz. Qırım referendumı – bu Rusiyeniñ içki işi», – dedi İraq elçisi.

Kurdistannıñ mustaqilligi boyunca olıp keçken referendumni Qırımdaki referendumdan paralel keçirmek kerekmey, dedi İraq elçisi.

«Biz devletimizniñ bölünmesine qarşı çıqamız, – dep añlattı elçi. – İraq problemlerge qarşı çıqa. Bu referendum – İraqnı bölünmesine birinci adım».

25 sentȃbr künü İraqtaki Kurdistanda mustaqillik aqqında referendum olıp keçti. Onıñ neticesinde Kurdistannıñ 90% sakini mustaqillikke qol tuttı. Halqara ortalıq bu areketlerge qul tutmadı, atta Amerika Qoşma ştatları, bu referendumnı «vaqıtsız», dep adlandırdı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası