Qırımda şiddetli yel olacağı aqqında bildirile

15.10.201711:06

Fevqulȃde nazirliginiñ Qırımda çalışqan idaresi, yarımada sakinlerini ve musafirlerini şiddetli yel peyda olacağı aqqında tenbiyeley.

Bu haber idareniñ saytında yerleştirilgen.

«Qırımda etraftaki alemni baqqan ve meteorologiya idaresi»niñ haber etkenine köre, 15 oktȃbr künü devamında ve 16 oktȃbrge keçer gecesi, Qırımda şiddetli, saniyede 17 – 22 metr tezliginde esecek, şimaliy – ğarbiy yel olması beklenile.

Gidrometmerkeziniñ saytında bildirilgenine köre, raatlıq künleri Qırım boyunca suvuq Atlantik tsiklonınıñ bir qısımı keçecek.

«Gece ve saba vaqıt – vaqıt yağmur yağacaq. Kündüz ise, yağanaqlar beklenilmey. Ava arareti gece +4 +9, kündüz ise +10 +15 derecede olacaq. Bazarertesi yağanaqlar tahmin etilmey. Kelecek afta ava arareti, kenede +17 +20 derecege qadar qızacaq», — dep bildirile haberde.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET