Qırımda milliy areketniñ faalleri Pötr Grigorenkonıñ hatırasını añdılar

17.10.201723:01

Milliy areketniñ iştirakçileri, qırımtatar faalleri, 16 oktâbr künü, belli uquqqoruycı, Ukraina Helsinki gruppasınıñ esasçısı, qırımtatarlarnıñ Vatanına qaytma kureşlerine qol tutqan Pötr Grigorenkonıñ abidesine, doğğanından 110 yıl toluvı munasebetine, çiçekler qoydılar.

Qırımtatarlar Pötr Grigorenkonıñ sözlerini hatırladılar – birlik olmaq ve öz aqlarını soramaq degil de, talap etmek kereksiñiz. «Ayneciliklerge tutulıp başlasañız, kelecegiñiz  — yoq», — dey edi dissident.джелял

Hatırlatamız, Pötr Grigorenko – SSSR arbiy küçleriniñ general – mayorı (1959), dissidentlik areketiniñştirakçisi, uquqqoruycı, tarihiy – arbiy ilimler doktorı. Öz vaqtında, Grigorenkonıñ aytqan sözleri, qırımtatar milliy areketiniñ şekili deñişmesine pek tesir etti. Grigorenko, milliy areketiniñ şekilini tamamen deñiştirmege çağıra edi. O, akimiyetke adalet ricalarınen muracaat etmelerini kesmek kerek olğanını ve keskin talaplarğa keçilmesi aqqında ayta edi.

Ondan da başqa, faaller, milliy areketniñ veteranı İzet Yunusovnıñ hatırasını añdılar, Saqta, onıñ şerefine qoyulğan hatıra tahtasına çiçekler ketirdiler.

Foto: Nariman Celâl

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET