Qırımtatar faali Suleyman Kadırovğa qabaatlav çıqardılar

19.10.201722:44

18 oktâbr künü Rusiyeniñ Qırım boyunca çalışqan FSB idaresi, qırımtatar faali Suleyman Kadırovğa qabaatlav aktını teslim etti

Kadırovnı Rusiye Cinayi kodeksiniñ 280.1 maddesiniñ 2 qısımı boyunca qabaatlaylar, yani «insanlar arasınd Rusiye Federatsiyasınıñ birdemligini bozaçaq çağıruvlar yapmaq», — dep ayttı advokat Aleksey Ladin.

«Bu iş bir yıl evelsi, 2016 senesiniñ 11 oktȃbrinde başlatılğan edi. Uquqıy taraftan qabaatlav esasları ğayet belgisiz. İş içinde olğan ekspertizalarğa köre, sanki S. Kadırıv yapqan repost ve izaatlarında, iç bir şeyge çağıruv yoq. İzaatlarda taqdirlev ve razı olmaq bar, amma çağıruv yoq. Amma S. Kadırov qabaatlanğan maddede ise, çağıruv olması kerek, dep aytıla», — dedi Ladin.

Alıp barılğan taqıqatnıñ keyfiyetinede bir qaç sualler olğanını attı.

Kadırov özü ise, qabaatlavlarnı red ete.

Hatırlatamız, 5 oktȃbr 2016 senesi, polisler Suleyman Kadırovnıñ evine tintüvnen keldiler ve Rusiye Federatsiyasınıñ birdemligini bozaçaq çağıruvlarda qabaatladılar. 3 aprel künü, S. Kadırovnı, ekstrimistler sırasına kirsettiler ve bank vesiqalarını qapattılar. Bank kartaları ise, yekȃne para kelgen yeri edi.

Foto: QırımAqıqat

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET