Ükümet 2018 senesini bayram ve raatlıq künlerini belgiledi

19.10.201722:50

Baş nazir Dmitriy Medvedev, 14 oktȃbr künü bayram ve raatlıq künlerini belgilegen cedvel qararını imzaladı.

Vesiqa 18 oktȃbr künü ükümetniñ resmiy saytında derc etildi.

6 ve 7 yanvar künleri cumaertesi ve bazarğa rast kelgenleri içün, olar 9 mart ve 2 mayısqa keçirileler. Cumaertesine rast kelgen 28 aprel, 9 iyün ve 29 dekabr künleri, bazarertesi 30 aprel, 11 iyün ve 31 dekabrge keçirile.

Neticede, yılbaş bayramları sebebinden berilgen raatlıq künleri 30 dekabr 2017 senesinden başlap, 2018 seneniñ 8 yanvarına qadar devam etecek. Ondan soñ fevral ayında 23den 25-şine qadar raatlıq künleri ilȃn etildi. Halqara qadınlar kününe dört, 8 – 11 mart, raatlıq künleri tüşe. Mayıs bayramlarında 29 aprelden başlap, 2 maysqa qadar raatlıq künleri olması tahmin etile. 9 mayıs bir raatlıq künü berilecek. İyünde üç kün 10 — 12 raatlıq künleri olacaq. Noyabr ayında da üç (3-5noyabr), raatlanmaq içün kün berilecek.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET