RBK telekanalınıñ sabıq idareci müdiri Elmar Murtazayev, Estoniyada ve Latviyada çıqacaq Forbes mecmuasınıñ baş muarriri olacaq.
Bu aqta Murtazayev «Dojd» telekanalına aytıp berdi.
«Muarririyet ingliz tilinde çalışacaq, yani maqaleler ingliz tilinde yazılacaq(bazıda rusçada) ve soñ latış ve eston tillerine tercime etilecek. Bu usul Finlandiyada pek yahşı çalışa. Anda olğan bütün problemalardan, tercime meselesi eñ kiçiktir. Balabanları aqqında aytıp oturmaycam», — dedi Murtazayev.
Murtazayev Rigada çalışacaq. Anda o çalışmağa izin alğan soñ aylesi ile birlikte köçecek.
Elmar Murtazayev RBKanı 2017 senesiniñ iyül ayında terk etti. Onıñ yerine NTVda alıp barıcı olğan İgor Politayev aldı. RBKğa kelmeden evel Murtazayev Rusiyede çıqqan Forbes mecmuasında, başta muarrir muavini, soñra ise, baş muarrir olaraq çalıştı.
Ondan evel, Murtazayev «Moskovskiye novosti» gazetasınıñ muarrir muavini ve Gzt.ru saytınıñ müdiri olğan edi. O, «Segodnya», «İzvestiya», «Russkiy telegraf» gazetalarında, «Radio Svoboda»da, Dow Jones agentliginde, «Kompaniya» mecmuasında ve rb.ru saytında çalışqan edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
