19 yaşlı qırımtatar qızı Tamila Lâtif – zade Nyü – Yorkta keçirilgen, tennis boyunca atletik kollecler Milliy assotsiatsiyasınıñ regional çempionatında ğalebe qazandı. Ve «Yıl oyuncısı» unvanını aldı.
Bu mevsimde, o, bir oyundan ğayrı, bütün balaban oyunlarını qazandı, dep bildire Crimeantatars club.
Tamila çoqusı vaqıt, öz raqiplerini 6-2, 6-1, 6-0, 6-0 esabınen yeñe.
Tamila Lâtif – zade 16 aprel 1998 senesi dünyağa keldi. Tenis oynamağa 5 yaşında başladı. Birinci ğalebesini 2008 senesi, Nyü – York kubugına keçirilgen turnirde qazandı. O zaman Tamila 6 raqibini yeñdi.
Şahsiy tecribesi devamında o bir çoq yarlıqlar ve şerefli unvanlar qazandı. 2012 senesi, o Nyü – York şeeriniñ 106 merinden, işkirligi, raqipke sayğı köstergeni içün stependiya qazandı. Belli Amerika tenisçisi, balaban migref oyunlarınıñ yedi kere ğalibi Con Makinroy, Tamilağa, Floridanıñ «Kris Evert» Akademiyasında idman keçirmek ve yaşamaq içün, bu stependiyanı şahsen taqdim etti.
City parks foundation programması boyunca idmanlar keçirmege aqqını Tamila altı yıldan berli qazana. Bu programma belli Reebok ve La costa şirketleriniñ maddiy destegi ile keçirilip, 150 insandan 75 ve 25 eñ istidatlısını seçip, üç ve altı ay kurslarına yollaylar. 
2013 senesi, Tamila PSAL Atletik ligasınıñ turnirinde de ğalebe qazanğan edi.
Butün bu yıllar içinde Tamila tenis dünyasında belli olğaan Şteffi Graf, Virciniya Ueyd, Con Makinroy, Con İsner, Billi Cin King sportçılarnen oynağan edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
